चाचा मेरा भाजपा आला
पर मैं पक्का कांग्रसी
लाड़िये पकड़ियो पूँछ हाथिये दी
जेO डीO यूO च मेरी चाची
साड़ा घर मिन्नी इंडिया बणेया
खिस्से कुस्सी दे नीं खाल्ली
झन्डे आली कारा च बेई के
रोज़ जांदी मेरी साली
कोई आये कोई जाए
कोई फर्क नी पौंदा
हर पार्टिया च साड़ा अपणा
कोई न कोई ता हुँदा
साड़िया छत्ती पर तां झुल्लदे
हर पार्टिया दे झण्डे
सारे पार्टिया आले सांजो
रोज़ लगांदे छन्दे
इंतज़ार है सांजो इक नौ नौंई पार्टिया दा
कोई तां बणाई लेया यारो
मेरे मुन्नुएँ दा मुन्नूँ होया
तिस्जो अपणे नें मिलाई लेया यारो
2 टिप्पणियां: